Resultados da primeira xornada de Liga dos equipos da comarca

Terceira División
C.C.D. Cerceda 2 - 0 C.D. Lalín

Santa Comba 2 - 2 Coruxo

Rexional Preferente

Calo 2 - 3 Bergantiños C.F.

Laracha C.F. 0 - Flavia 3

El Dumbría superó al Sporting Zas (2-0) en la final del trofeo Neria de fútbol, que se disputó el domingo en Cee. Los futbolistas de Floreal se mostraron más resolutivos en los últimos metros ante un rival que jugó mejor hasta que encajó el 1-0.

Noraboa ao Dumbría que se adxudica o seu segundo título de Neria. Gañou esta terceira edición e gañou a primeira na temporada 2005-2006, cando venceu ao Camariñas por 4 goles a 3.

Zas-Dumbría. Final da IV edición da Copa Neria

Xa temos final do Trofeo Neria. O Zas e o Dumbría repiten a final do ano pasado. Partido a priori moi igualado entre dous equipos que se miden o ano que vén no Grupo I de Primeira Rexional. O partido será en Cee, no Novo Raíces, ás 19 horas. Que vos parece este emprazamento? É neutral, tendo en conta que está moita máis próximo a Dumbría que a Zas? Cal pode ser o resultado final de encontro?
Saú2

Aserrín, Aserrán... La Voz del Deporte también tiene sorteo de San Juan!

Radio Voz Bergantiños sortea entre sus oyentes dos plazas para las escuelas deportivas de verano del Básket Xiria, destinadas a niños y niñas de entre tres y doce años.

Los meses de julio y agosto, de lunes a viernes en el pabellón del IES Isidro Parga Pondal y en horario de 10 de la mañana a una de la tarde, los niños y niñas disfrutarán de multitud de actividades deportivas, excursiones y muchas sorpresas.

¿En que categoría milita el RHINO´S Xiria? Responde correctamente a la pregunta antes del 27 de junio dejando tus datos personales en el correo electrónico carballo@radiovoz.com o enviando una carta a la dirección Gran Vía 84, 1º de Carballo y podrás ganar una plaza para tus hijos en las escuelas de verano del básket Xiria.

Y recuerda que tú aún estás a tiempo para que tus hijos hagan deporte este verano. Apúntalos ya en la escuela Básket Xiria en las oficinas del pabellón del IES Parga Pondal

Final Copa da Costa 2008

Ponteceso e Cee son os finalistas da edición do torneo número 45. O Cee derrotou nas semifinais ao Soneira (1-1, na ida; 2-3 na volta). O Ponteceso chega á final despois de enfrontarse ao Carnota: gañou como visitante na ida (3-4) e tamén na súa casa na volta (2-0). A deste ano trátase dunha final inédita. O Cee posúe 7 títulos copeiros e o Ponteceso 3. A final dispútase a dobre partido. O domingo 22 de xuño no Novo Raíces ceense a ida. A volta, unha semana despois, o domingo 29 de xuño, no campo pontecesán do Pinguel. Ámbolos dous ás seis da tarde. A entrada custa 5 euros. RadioVoz retransmitirá en directo esta final. As emisións comezarán trinta minutos antes de cada encontro no 99.8 do teu dial, ou ben podes escoitarnos por internet. Como vedes esta final? Son Cee e Ponteceso os equipos que merecían chegar a esta final?

Tres novedades nos banquiños da Liga da Costa

Fran Cousillas, no Baio; David Baña, no Sofán, e José Manuel Mata, no San Lorenzo son, a estas alturas de ano, as tres novidades nos 16 equipos que compiten na Liga da Costa. Os técnicos que seguirán nos seus conxuntos son: Javier Bardanca, do Ponteceso; Manuel Genaro, do Corme; Tono, do Camariñas; Nieto, do Monte Louro; Felipe, do Muros, e Bautista, do Corcubión. Gustaríame saber a vosa opinión. Un saúdo, nesta a miña primeira entrada no blog. Iago García

Iago García, o novo conductor de La Voz del Deporte

Onte xa puidestes coñecer ao novo conductor do programa. Chámase Iago García, é un fenómeno e agardo que sexades tan amables con el coma fostes comigo. Gracias a todos por construir cada día La Voz del Deporte. E non o dubidedes, Radio Voz segue sendo a vosa casa.

Saúde!
Kiko Novoa

Carlos Brizzola, novo adestrador do Bergan

Como xa adiantaramos, Chus Baleato e Carlos Brizzola eran os dous nomes que barallaba a directiva do Bergantiños para adestrar ao primeiro equipo. Baleato renovou polo Compos e agradeceu o interese do clube carballés. Así, Carlos Brizzola consolidouse como o grande preferido da directiva e finalmente converteuse no novo técnico.

Que vos parece a chegada do arxentino ao Bergantiños?

Chus Baleato, hoxe en Radio Voz

É un dos nomes que soan no entorno do Bergantiños. A ver que hai de verdade en todo iso. Saberémolo hoxe.

As impactantes reaccións que se emitiron hoxe

La Voz del Deporte centrouse hoxe na situación do Bergan, eliminado da Copa da Costa, e o Cerceda, fora dos play-offs de ascenso:

Bossa, xogador do Bergantiños: "Por primera vez sentí vergüenza tras un partido de fútbol"

Súa, adestrador da Esteirana: "No partido de ida, o Bergantiños pareceume coma un equipo de Terceira Autonómica".

José García Liñares, alcalde de Cerceda e ex presidente do clube: "Eu seguramente tería cesado a Vara. Por suposto, non teño nada contra el, pero creo que o responsable máximo do que pasou non debería seguir"

A axenda do Bergan: Baleato e Brizzola

Chus Baleato, adestrador do Compos, e Carlos Brizzola, adestrador do Laracha, son os primeiros candidatos a sentarse no banco do Bergantiños.

José Antonio Moreira, hoxe mércores en Radio Voz

No programa de onte, José Cotelo, o presi do Bergan, deu un bó repaso á situación do clube. Anunciou que Moreira xa non será adestrador do primeiro equipo para a próxima campaña. José Antonio Moreira acudirá hoxe aos estudios de Radio Voz para conceder a primeira entrevista tras coñecerse a decisión do clube. A partir das 14:20, logo do informativo, en La Voz del Deporte.

José Cotelo, hoxe en Radio Voz

O presidente do Bergantiños analizará o pasado, presente e futuro do clube:
-Marcha Moreira?
-Que calificativo se lle pode dar á situación do equipo?
-Que pasou con Javi Antelo?

Javi Antelo, adestrador do Bergan na Copa da Costa... ata o venres pasado

Venres, 9, 14:20, en Radio Voz: "Estou aquí para aprender. Chamoume Moreira e eu axudareille ata o final, pero se me din que colla a porta e marche fareino"

Venres, 9, pola noitiña, Javi Antelo decide abandonar o clube por discrepancias co entorno bergantiñán.

Que vos parece? Se queredes participar na tertulia do martes: 981 70 22 00 e 981 70 30 02. Ou deixa un comentario no blog.

... E ollo, porque esta semana podería haber máis novidades. Permanecede á escoita...

A incrible flexibilidade de Roi Vega

Aí tedes ao xogador do Rhino's Roi Vega cunha flexibilidade extraordinaria. Xa vedes, esta é unha das claves da temporada do equipo carballés: excelente ambiente e grande forma física!!!

Javier Antelo, hoxe venres en Radio Voz

Como moitos de vós tedes preguntas sobre o futuro de Javi Antelo á fronte do Bergantiños na Copa, o programa de hoxe venres día 9 analizará a situación co propio adestrador.
Ademáis, hoxe falaremos tamén co fisterrán Pesca, que como sabedes milita no Trofense da Segunda portuguesa. Pesca e o seu equipo acadaron un feito histórico: o ascenso deste modesto club á Primeira Liga portuguesa. O Trofense está, ademáis, a un só paso de proclamarse campión de Segunda se puntúan na última xornada esta fin de semana.
Non vos perdades o programa de hoxe!

El Chiki-Juane

Velaí vos vai o novo baile de Baio. Non, non me refiro a Chimo, senón ao novo movemento que fai furor nas pistas da bisbarra. Con vostedes, Juane, un dos heroes do ascenso de Agencia AM. xa vedes, un tío estupendo, como todo o equipo baiés. Que siga a festa!!!

O Calvo Xiria xa é equipo de Primeira Estatal!!

O equipo de Marcos Rodríguez vén de proclamarse campión da fase de ascenso de balonmán disputada en Oviedo.

O domingo, a festa está camiño de Carballo.

O luns, a festa estará en Radio Voz, en La Voz del Deporte.

Chámanos se queres en directo e felicita aos campións: 981702200 e 981703002. Ou déixanos unha mensaxe.

Radio Voz, co ascenso do Calvo Xiria

La Voz del Deporte contará entre o xoves e o venres todos os detalles da Fase de Ascenso a Primeira Estatal. O Calvo Xiria xógase en Oviedo un capítulo máis na súa brillante historia.
Os adestradores rivais pasarán polo programa o xoves día 1 e nos avanzarán a situación na que chegan á fase.
O adestrador e os xogadores carballeses compartirán, xa dende Oviedo, as súas impresións con nós o venres día 2.

Forza Xiria!

As novas camisetas do Bergantiños

Tal e como adiantamos o venres, a constructora Riotorto patrocinará ao Bergantiños o que queda de temporada e a próxima.

A nosa primeira chamada dende o estranxeiro

Velaquí o rostro do primeiro oínte que nos saúda dende o estranxeiro. Como sabedes, onte inauguramos as emisións a traverso de Internet. Nada máis anuncialo, Manuel Bello Míguez , natural de Sofán e veciño de Reading (Inglaterra), tivo a xentileza de chamar durante as emisións de La Voz del Deporte e saudarnos. Manuel é conductor de autobús, como vedes na imaxe. Mil gracias, Manuel! A ver se mantemos o contacto.

E se ti tamén nos escoitas dende o estranxeiro, escríbenos unhas letras, oh, que nos fai moita ilusión. Saúde para todos!

Xa podes escoitar Radio Voz Bergantiños por Internet

Na marxe dereita tes un reproductor onde podes escoitar as emisións en directo de Radio Voz Bergantiños.

O Agencia AM, de festa en Radio Voz

O adestrador Joaquín Moreira e o capi Oscar achegáronse aos estudios de Radio Voz para compartir cos oíntes o ascenso do Agencia AM.

Santa Comba B, Lira e Malpica, adiante na Copa da Costa

O malpicán Diego marcou un golazo no desconto que certificou a eliminación do Fisterra nun partido igualadísimo. O Lira sufriu para eliminar ao Pindo: no minuto 25 marcaba Kiko, do Pindo, e os de Sil xogaban cun menos. O Santa Comba B fixo valer a condición de local para desfacerse do Cerqueda. Iso si, tivo que ser na prórroga, cando Miguel Ribeiro e Martín deron o pase (3-0, dous deles, na prórroga).

O AM, ascendido!

Imaxe: http://cbaio.com/

Os de Moreira e Lee gañaron dun só punto en Allariz. Pero gañaron que era o importante, porque a derrota de Rosalía en Betanzos permítelle ao Agencia AM de Baio acadar o ascenso e facer historia.

Hoxe, en Radio Voz, os heroes de Baio festexarán o seu éxito cos oíntes. Se queredes felicitalos, chámanos en directo: 981 70 2200 e 981 703002

Calvo Xiria, contra asturianos, cántabros e extremeños

Tal e como vos prometín no programa de hoxe, aí vos deixo os nomes dos equipos que disputarán o ascenso á Primeira Estatal de balonmán co Calvo Xiria:

Do 2 ao 4 de maio
Sector B: Oviedo
Universidad de Oviedo
Lasalle Grupo Pinta de Torrelavega
Cáceres 2016

Máis información, aquí

O Dumbría goleou e na Copa da Costa gañaron Cerqueda, Lira e Fisterra

O Dumbría demostrou que quere seguir na Primeira e goleou ao Orillamar (0-3). En A Ponte do Porto estano festexando, claro.
E na Copa da Costa, a fase previa deixou estes resultados nos partidos de ida:
Cerqueda - Santa Comba B 1-0
Lira - O Pindo 4-2
Fisterra - Malpica 3-2

Que vos pareceu a xornada?

O Calvo Xiria, á fase de ascenso!!

O Calvo Xiria de balonmán logrou en Cangas a victoria que necesitaba (28-32) no último partido de Liga para acadar unha praza para disputar a fase de ascenso. Un equipazo! Felicidades a todos!!

Felicita ao Calvo Xiria de balonmán e dálles ánimos para lograr o ascenso. Leremos os vosos comentarios en antena.

O Santa Comba B ascende; o Muxía quédase

O empate do Muxía e a victoria do Santa Comba B permiten ao equipo de Luis Facal ascender á Segunda. Nesta categoría, a Esteirana comparte a zona de descenso con Buño e Nantón.

Pola súa parte, o Cerceda empatou, e o Bergan mailo Laracha perderon. O Rhino´s confirmou a permanencia na EBA ante o Xixón (89-58) e o Agencia AM desfíxose sen problemas do pechacandelas Val de Lemos (97-47). Ademáis, a falta dunha xornada, o Calvo Xiria de balonmán é segundo tras derrotar por un gol ao Oleiros (31-30).

Falece o presidente do Sporting Zas

O presidente do equipo de fútbol Sporting Zas e da empresa de construcións Gonalva, Óscar Álvarez González, de 29 anos de idade, foi atopado morto onte ás tres da tarde no soto da súa empresa. A autopsia que lle practicaron a última hora da tarde na Coruña determinará as causas da súa morte.
O fútbol da Costa da Morte permanece conmocionado. Óscar Álvarez era unha persoa moi coñecida no pobo e querida e respectada no mundo do deporte da bisbarra. Este ano fíxérase cargo da presidencia do club deportivo de Zas.

"Foron 40 minutos longuísimos"

Imaxe. Roi Fernández (La Voz)

O fisterrán César, xogador do Santa Comba, sufriu onte unha arrepiante lesión no partido fronte ao Lemos: rotura de peroné e ligamentos. O futbolista relatou eses momentos en Radio Voz: "Foron 40 minutos longuísimos… Agadar así, con tanta dor… eu vía as estrelas. Non sentía nin as mans nin as pernas do frío que tiña. Eso si, a xente de Monforte portouse xenial. No hospital, cando me sacaron a media vin a cara dun directivo, logo botei unha ollada á miña perna e vin o óso de fóra". O presidente do Santa Comba, José Gerpe, laiouse do moito que tardou a ambulancia: "O 061 díxome que no hospital de Monforte hai só unha ambulancia e estaba ocupada e que había que chamar a Chantada".

Ademáis, en Berdillo armouse unha boa no partido ante o Dorneda: tres expulsados locais e unha denuncia ante a Garda Civil por agresión, segundo os colexiados, dun afeccionado á xuiza de liña. "O que fixeron este ano os árbitros co San Lorenzo é incrible", asegurou Roberto Fuentes, director deportivo do clube.

Adiante. Déixanos o teu comentario e lerémolo en Radio Voz.

O sorteo da Copa da Costa, o día 3 en Baio

Tal e como adiantou La Voz de Galicia, a Federación Galega de Fútbol confirmou que o sorteo da Copa da Costa realizarase o día 3 de abril en Baio.

O acto, que comezará ás 20.00 horas, terá lugar nunha sala do pavillón municipal baiés. Nesta edición poderán competir un total de 36 clubs. Se non hai baixas, na fase previa intervirán oito conxuntos, que xogarán as súas eliminatorias os días 13 e 20 do próximo mes.

Os equipos que en principio competirán son o Bergantiños, de Preferente Autonómica; Soneira, Sp. Zas, Dumbría e San Lorenzo, de Primeira Autonómica; Cee, Ponteceso, Castriz, Fisterra, Muros, Monte Louro, Carnota, Baio, Camariñas, Corme, Porteño, Sofán, Esteirana, Malpica, Nantón e Buño, de Segunda, e Xallas, Corcubión, Muxía, Santa Comba B, Lira, Vimianzo, Mazaricos, Cabana, Corcoesto, O Pindo, Coristanco, Cerqueda, Alcaián e Atlético Pereiriña, de Terceira.

Quedan fora o Bergantiños B e o Dumbría B, ao participar os seus primeiros equipos.

O prazo para acudir á Federación Galega de Fútbol, na Coruña, e darse de baixa na Copa concluirá o 2 de abril.

O xoves, programa especial desde Camariñas

O equipo de La Voz del Deporte desprazarase o xoves cara Camariñas, co gallo da XVIII Mostra do Encaixe, dende onde ofreceremos un programa especial. Estades convidados!!

Os partidos decisivos: cal e area

Esta fin de semana xogábanse varios partidos decisivos ante rivais directos para o futuro das súas respectivas competicións. O Rhino´s Xiria caeu na casa fronte ao Chantada (59-73) e afástase lixeiramente da loita polos primeiros postos. Mentras, o Agencia AM cedeu o liderato ao Hierros Diego no partido que os dous equipos disputaron en Baio (66-80).
Deses partidos "chave", o que mellor saiu parado foi o Calvo Xiria de balonmán, que gañou con autoridade en Carballo ao Seis do Nadal (34-25), polo que o grupo que dirixe Marcos Rodríguez aúpase á segunda posición.

Por outra banda, o Cerceda sufre a súa cuarta derrota consecutiva, o Bergan empata e o Laracha cae derrotado. No derbi da Primeira, o Zas e o Soneira empataron (1-1).

Adiante. Déixanos o teu comentario e lerémolo en Radio Voz.

O venres, especial Zas-Soneira

Hoxe emitimos un programa especial co partidazo da xornada de Primeira: Zas-Soneira. Na imaxe podedes ver, de esquerda a dereita, a Lerma (porteiro do Soneira), David (xogador do Zas) e Berto (adestrador do Zas). Además, o técnico do Soneira, Braulio, entrou no programa desde A Coruña.

O Calvo Xiria quedou co derbi en Camariñas: 30-33

Imaxe: Ana García (La Voz de Galicia)

O Calvo Xiria derrotou ao Balonmán Camariñas en Ponte do Porto nun partido cheo de emoción e rivalidade. A expulsión do camariñán Quin foi un dos asuntos más controvertidos do derbi.

Que che parece o partido? E o resultado? Opina!

O Cee, campión da Liga da Costa

Foto obtida da web oficial do Cee

O Cee proclamouse por fin campión da Liga da Costa tras gañarlle ao Castriz por 4 a 1. Hoxe, Radio Voz emitirá un programa especial cos protagonistas.

O Cee foi xusto campión? Opina!

A Liga de Peñas intermunicipios, todos os martes

A partir de agora, La Voz del Deporte ofrecerá os martes un tempo adicado á Liga de Peñas intermunicipios. Queremos destacar o bó fútbol e a intensidade cos que se vive a temporada deste campionato.

A familia de Radio Voz

Radio Voz celebrou onte o tradicional xantar cos colaboradores. Gracias a todos por converternos, co voso esforzo e o dos oíntes, na emisora de referencia da Costa da Morte.

Cee: toca sufrir

Pasan os partidos e o Cee aínda non pode cantar o alirón. Está a só unha victoria, pero esta non chega. Na pasada fin de semana empatou co Porteño e ata marrou un penalti (1-1). O Ponteceso gañou, sufrindo tamén (3-2), co Camariñas, así que toca agardar... E a próxima xornada: Cee-Castriz!

Por outra parte, o Bergan e o Laracha gañaron con autoridade, mentras que o Cerceda perdeu contra pronóstico fronte ao Céltiga no Roxo.

Rhino's e Agencia AM solucionaron os seus compromisos con victoria.

Ah, e a próxima fin de semana, o balonmán celebra o clásico comarcal: Camariñas-Calvo Xiria.

Que vos parece o que pasou? E o que pasará? Adiante. Déixanos o teu comentario e lerémolo en Radio Voz.

Tensión entre o Fisterra e o Dumbría

Os xogadores do Fisterra Guardiola e Mané deixaron o Fisterra para fichar polo Dumbría. Os directivos fisterráns quexáronse das formas:

En Radio Voz:

Quico Benlloch, presidente do Fisterra:
"O Dumbría falou comigo cando xa falara cos rapaces. Eu perdoo pero non olvido. Se podo, algún día pagareille ao Dumbría coa mesma moeda".
José Manuel Pequeño, presidente do Dumbría:
"Pido desculpas ao Fisterra se fixemos algunha cousa mal. Buscábamos reforzar ao equipo. Non me podía quedar cos brazos quietos e vou intentar salvar ao equipo como sexa".

Que vos parece o que pasou? Adiante. Déixanos o teu comentario e lerémolo en Radio Voz.

Laracha, 1 - Bergantiños, 1

0-1, min 17: Dani
1-1, min 75: Míchel

Que vos pareceu o partido? E o resultado?

Opina ou critica sobre estes ou outros partidos. Adiante. Déixanos o teu comentario e lerémolo en Radio Voz.

O Balonmán Camariñas: 1000 euros de multa e clausura de dous partidos

ACTA Nº 21 (20-02-08)
COMITÉ TERRITORIAL DE COMPETICIÓN
TEMPADA 07/08

A) DAR POR CONCLUIDO O ENCONTRO CO RESULTADO REFLECTIDO NO MARCADOR NO MOMENTO DA SUSPENSIÓN:
C.B. CAMARIÑAS 28 – ATL. NOVAS 26
B) IMPOÑER Ao C. B. CAMARIÑAS CONSERVAS BOYA,
A SANCIÓN DE MULTA DE 1.000,00 EUROS E CLAUSURA DO TERREO DE XOGO POR DOUS (2) ENCONTROS OFICIAIS por infracción tipificada no artigo 50 apartado C) do RRD.
C) IMPOÑER Ao C. B. MECALIA ATL. NOVAS, A SANCIÓN DE APERCIBIMENTO por infracción tipificada no artigo 54 apartado J) do RRD.
D) IMPOÑER Ao XOGADOR DO C. B. CAMARIÑAS CONSERVAS BOYA
D. FELIPE SANTOS, A SANCIÓN DE SUSPENSIÓN POR DOUS (2) ENCONTROS OFICIAIS DE COMPETICIÓN por infracción tipificada no artigo 34 C) do RRD.
E) IMPOÑER Ao XOGADOR DO C. B. MECALIA ATL. NOVAS
D. EROS LÓPEZ, A SANCIÓN de SUSPENSIÓN POR CINCO (5) ENCONTROS OFICIAIS DE COMPETICIÓN por infracción tipificada no artigo 33 E) do RRD.
F) IMPOÑER AOS COLEXIADOS D. VICENTE PÉREZ E D. CÉSAR CARBALLO, A SANCIÓN de SUSPENSIÓN POR TRES (3) ENCONTROS OFICIAIS DE COMPETICIÓN MAILA PERDA DO 50% DOS DEREITOS DE ARBITRAXE por infracción tipificada no artigo
45 B) do RRD.
Todos os Clubs e Árbitros que na presente Acta impuxéronselle sancións económicas, deberán efectuar o pago das mesmas antes de 10 días á data de imposición das mesmas.Contra os devanditos acordos poderase interpoñer recurso no PRAZO MAXIMO DE DEZ DIAS HÁBILES a contar dende o seguinte o da suá notificación.

Andrés Cerdeiras, presidente de Balonmán Camariñas, en Radio Voz: "Es una decisión totalmente exagerada y no hacen caso a nuestras alegaciones. Habíamos presentado un video en donde indentificábamos a las cuatro personas del público que entraron en la cancha. No vamos a presentar recurso como señal de protesta".

Especial Laracha-Bergan, en Radio Voz

Radio Voz volcarase esta semana no clásico comarcal entre o Laracha e o Bergantiños. O venres emitiremos un programa especial dende a cervexería La Bombonera, de Carballo, coa presenza dos adestradores Carlos Brizzola e José Antonio Moreira e os presidentes José Ceide "Canito" e José Cotelo. Comezará ás 14:15 e estará aberto á participación de todos. Esperámoste!!

Vamos quecendo motores... Que pasará no partido?

Adiante. Déixanos o teu comentario e lerémolo en Radio Voz.

O Cee, virtual campión da Liga da Costa?

Tras a contundente victoria en Ponteceso (1-3), os de Manolín prepáranse para cantar o alirón... Ou aínda é moi cedo?

O Cerceda gañou e é segundo, o Bergan perdeu nas Eiroas e o Laracha empatou en Viveiro.
O Soneira desfíxose con claridade do San Lorenzo, o Paiosaco intenta respirar tras unha victoria e o Dumbría métese abaixo ao caer en Dorneda. O Zas afiánzase na zona media.

O Rhino's perdeu na cancha do Lan Mobel e o Agencia AM segue segundo tras gañar ao Narón.

O Calvo Xiria e Balonmán Camariñas gañaron os seus compromisos.

Opina ou critica sobre estes ou outros partidos. Adiante. Déixanos o teu comentario e lerémolo en Radio Voz.

Ponteceso-Cee: o partido definitivo?

Se o Cee gaña acabouse a Liga na súa primeira praza?
Se o Ponteceso acada os tres puntos está a tempo de asaltar o liderato?
O sábado, no Pinguel, ás 16.30 horas.



Así de espectacular é este estupendo video que se presenta na web do Union Club Cee para anunciar o partidazo do sábado

Que pasará? Adiante. Déixanos o teu comentario e lerémolo en Radio Voz.

O anexo á acta do Camariñas- Atl. Novás

Radiovoz tivo acceso ao anexo á acta do partido de balonmán Camariñas-Atlético Novás. Que foi o que pasou realmente, segundo a perspectiva dos colexiados? Aquí podédelo consultar (premede sobre as imaxes para ampliar):

Buscamos opinións da tángana do Camariñas-Atl. Novás

Armouse unha boa lea no partido de balonmán entre Camariñas e Atlético Novás. O partido foi suspendido a menos dun minuto de rematar o partido. Que foi o que pasou? En declaracións a Radio Voz:

Felipe, xogador de Camariñas:
"Tiña eu o balón no lateral dereito, ao intentar pasar ao meu compañeiro, o avanzado rival recuperou o balón. Fun darlle ao balón pero empurreino un pouco e caeu ao chan. Eu xa sabia que ia ser ser expulsado minimo por dous minutos, e como xa non quedaba tempo funme directo cara o banco. Nese momento escoito ao meu porteiro que berra: "coidado, coidado". Xireime e vin un xogador que me quería dar por detrás. Logo montouse toda a lea. Veu cara a min co puño, e grazas que me separei que se non dábame en toda a cabeza".

Nicolai Tsybanev, técnico do Novás:
"Los árbitros estuvieron todo el partido pitando a favor de ellos, quizás porque tenían miedo porque creo que alguno ya recibió ahí unas hostias. Estábamos perdiendo de cuatro casi todo el partido y al final robamos tres balones seguidos. Faltando unos 30 segundos, hubo una entrada fuerte de un jugador rival. Uno de mis chavales se levantó de la pista y empujó a otro. En ese momento saltaron de la grada varias personas, también del banquillo, a repartir hostias. Los árbitros se marcharon sin decir nada. Si la gente no hubiese saltado a la pista, la cosa hubiese quedado entre dos equipos, pero lo más feo de todo es que el público se fue a darle al chaval, que no es tan fuerte. Y aunque lo fuese, uno contra veinte no puede hacer nada".

Viches o partido? Cóntanos o que pasou e lerémolo en antena!

O San Lorenzo dálle a volta ao partido fronte ao Paiosaco nos últimos minutos

Non era para menos. Bo ambiente nas Eiroas para este partidazo. Ao final, cun home menos, o San Lorenzo marcou dous goles e gañou (3-2)
Victorias de Cerceda, Bergan e Laracha.
O Cee é máis líder tralo picazo do Ponteceso en Baio.

E o Rhino´s gañoulle ao líder!

San Lorenzo-Paiosaco, o partidazo da Primeira

San Lorenzo e Paiosaco xóganse un encontro vital para o futuro dos dous equipos na categoría. Será nas Eiroas, o domingo, ás 18 horas. La Voz del Deporte ofrecerá o venres un programa especial con todos os protagonistas.

Que pasará? Adiante. Déixanos o teu comentario e lerémolo en Radio Voz.

Nesterov: "Estamos de acuerdo las dos partes"

O ruso Yuri Nesterov recoñeceu onte en Radio Voz que as dúas partes (clube e xogador) están dacordo na súa fichaxe polo Balonmán Camariñas. Pincha aquí para escoitar parte da entrevista.

Sen embargo, o clube camariñán sorprendeu cunha nota emitida onte na que desminte ao xogador:
"No es de nuestro agrado el tener que enviar una nota de prensa de este tipo, pero es de interés del Club el que quede claro que todos los comunicados oficiales del Club se realizan por e-mail y por medio de los responsables de prensa para todos los medios de comunicación a la vez".

Para rematala, o Balonmán Camariñas emitiu o xoves un novo comunicado no que recoñece, punto por punto, que o ruso é novo xogador do Camariñas.

Un campión olímpico ao Balonmán Camariñas

Foto: Xoan Carlos Gil (La Voz de Galicia)

O pivote ruso Yuri Nesterov (San Petersburgo, 1967) reforzará ao Balonmán Camariñas esta temporada. Nesterov recoñece que ao acordo só lle falta asinalo por escrito. O xogador, que vive na Coruña e foi medalla de ouro coa URSS nas Olimpíadas de Seúl, recoñeceu esta mañá en Radio Voz Bergantiños que está moi interesado en fichar e que nas próximas horas porase a disposición de Toni García. Le a nova en La Voz.

O Bergan consolídase

A contundente victoria ante o Ferreira (0-3), permite aos carballeses asentarse na cuarta praza.
A mesma posición ocupa o Cerceda, que goleou ao Ourense B (6-1)

O Paiosaco segue mellorando, o San Lorenzo cae, e Zas e o Dumbría sufren. O Soneira mantense nunha cómoda posición.

O Ponteceso perde fol e deixa escapar ao Cee.

Partido gris do Rhino's en Ponferrada, con derrota incluida.

Adiante. Déixanos o teu comentario e lerémolo en Radio Voz.

Un de Golmar que adicou toda a vida á radio

Moncho Viña, ao fondo, acompañado polo alcalde de A Laracha e Adrián Menéndez

O programa do martes foi moi especial. Foi un paseo polos recordos e a nostalxia. Moncho Viña, o gran Moncho Viña, xubilouse. Naceu en Golmar (A Laracha) hai Xg"hd2$ anos. A súa traxectoria en RNE e TVE convérteo nun referente na historia do xornalismo galego.O deporte non se comprendería sen a voz de Moncho Viña. No programa do martes, ademáis de Moncho, Adrián Menéndez e o alcalde José Manuel López Varela, estiveron Mauro Silva, nunca conexión desde Brasil, Arsenio Iglesias, o mítico Juan Barro, o compañeiro Alfonso Hermida, Fernando Romay, o seu veciño Antonio García Añón,...
O pobre Moncho chegou a Radio Voz enganado polo alcalde e por Adrián. Non sabía nada do que ía pasar. Foi un día moi emocionate. Marabilloso. Espero que vós, os oíntes, disfrutarades do programa.

O Bergan é cuarto e Pesca, a Portugal

A victoria contra o Viveiro posiciona ao equipo na zona alta. Manterase?
Que pensades do futuro de San Lorenzo e Paiosaco?
Que lle pasa ao Bergan B?

O fisterrán Pesca ficha polo Trofense, o líder da Segunda portuguesa. Onte estivo con nós el máis o adestrador, que está encantado coa fichaxe. Triunfará Pesca en Portugal?

Adiante. Déixanos o teu comentario e lerémolo en Radio Voz.

Que lle pasa ao Dumbría?

O Sp Zas levou o derbi ante os dumbrieses.
O Bergan xa sabe gañar fóra de casa.
O Laracha caeu co Somozas. Que vos parece que o Montañeros reclamara a Huelves e Colón?
O San Lorenzo vai levantando cabeza tras gañar con claridade ao Eume.
E que me comentades de Koke Rama? 37 puntos co Rhino's!!

Opina ou critica sobre estes ou outros partidos. Adiante. Déixanos o teu comentario e lerémolo en Radio Voz.

Que vos parece o novo céspede das Eiroas?

E as victorias de Cerceda e Laracha?
E a do Soneira en Dumbría?

Manterá a liña o Rhino´s tras a última victoria?
E no balonmán: derrota do Camariñas e victoria do Xiria. Que vos parece?

Que vos parece que o Bergantiños solicitara a suspensión...

... do seu partido na última xornada?
Foi unha boa medida de presión?
Credes que o campo estará listo para recibir ao Compos?